Комисијата едногласно го усвои предлогот за разрешување на Катица Јанева

На денешната седница, Комисијата за избори и именувања едногласно, со 13 гласови, го усвои предлогот за разрешување на Специјалната обвинителка, Катица Јанева.

Во текот на денот, предлогот ќе биде доставен до претседателот на Собранието, Талат Џафери по што треба да биде закажана пленарна седница на која предлогот треба да биде изгласан од пратениците. За негово усвојување потребно е двотретинско и Бадентерово мнозинство.