И денеска многу студено време со температури под нулата

Продолжува периодот на студено време со умерен до засилен северен ветер. Денеска ќе преовладува променливо облачно време, со сончеви периоди, многу студено и ветровито. Во планинските подрачја повремено ќе провејува снег. Ќе дува умерен до засилен ветер а максималната дневна температура ќе достигне 3 степени Целзиусови.

До среда утринските температури ќе бидат многу ниски и на места ќе се спуштат до -10 степени, а дневните од средината на неделата ќе бидат во пораст. Поради ниските температури ќе има појава на голомразица.