Андреј Ѓурчиновски е победник на првото државно првенство во билијард за јуниори

Андреј Ѓурчиновски е победник на првото државно првенство во билијард за јуниори

Во организација на македонската федерација за билијард, а со поддршка на Агенцијата за млади и спорт, изминатиот викенд се одржа првото Национално првенство за јуниори, категорија до 19 години, која воедно се игра и на европските првенства.
Осуммина учесници од четири клубови од Скопје, Битола, Прилеп и Тетово, се натпреваруваа во дисциплината „деветка“, по идентични правила што важат при настап на ЕП.
Победник на турнирот е 12-годишниот Андреј Ѓурчиновски, кој летово ја претставуваше Македонија и на континенталниот собир што беше во Бугарија. Во финалето тој го совлада Антонио Крајоски со 7:4, додека третото место го поделија Диели Весели и Мухамед Даути.
Ѓурчиновски со четири победи ја потврди формата, иако беше најмладиот од сите учесници. Како победник на турнирот тој ќе ја претставува државата на следното Европско првенство, кое е закажано за јули 2023 година. Пехарот и медалите ги додели новиот претседател на Билијард федерацијата на Македонија, Дејан Сипковски.
Со јуниорскиот турнир и официјално е завршена натпреварувачка 2022 сезона. Согласно усвоениот календар за 2023, новото Национално првенство за сениори започнува во февруари.

Прочитајте повеќе

Со турнирите во Прилеп, започнаа пингпонгарските натпревари од пролетната сезона

Со турнирите во Прилеп, започнаа пингпонгарските натпревари од пролетната сезона

Во саботата во Прилеп се одржа пингпонгарскиот турнир „Телеком Мастерс 1“ во категорија помлади од …