Криза во Србија: Вучиќ најавува вонредни избори

Криза во Србија: Вучиќ најавува вонредни избори

Српскиот претседател Вучиќ изјави дека е јасно оти ќе има вонредни избори во земјата. Тој вели дека поканата за разговори до опозицијата сѐ уште стои и дека, доколку никој не одговори, избори ќе бидат распишани „наскоро“

Српскиот претседател Александар Вучиќ тврди дека српската власт е секогаш подготвена за договор и дека поканата за разговори до опозицијата сѐ уште стои, додавајќи дека ако нема одговор на таа покана, „наскоро“ ќе бидат распишани вонредни избори во земјата.

„Тоа значи дека наскоро ќе го распуштиме српскиот парламент, бидејќи има рокови“, рече Вучиќ.

Според него, откако премиерката Ана Брнабиќ ќе поднесе оставка, тој како Претседател има обврска во следните 30 дена да му го понуди мандатот на некој друг.

„Кога ќе се утврди дека нема мнозинство во Собранието на Србија, ако нема, можно е некој друг да формира мнозинство. Ако се покаже дека тоа сепак не е можно, бидејќи ако Ана Брнабиќ поднесе оставка, Српската напредна партија нема да сака нов мандат, разбирливо е“, додаде Вучиќ.

Брнабиќ: Оставката е на маса

Српската премиерка Ана Брнабиќ вчеравечер (7.06) повтори дека нејзината оставка е „на маса“ и дека смета оти парламентарни избори пред крајот на годината би биле „излез од кризата“.

„Сметам, а разговарав и со претседателот на Српската напредна партија, Милош Вучевиќ, како најголема партија во Србија, сметам дека излез од оваа криза се парламентарни избори до крајот на годината“, изјави Брнабиќ пред новинарите во Палатата Србија.

Таа му остави на претседателот на Србија, Александар Вучиќ да донесе одлука за тоа и додаде дека во таа смисла „може да смета на нејзина оставка“.

Премиерката нагласи дека единствениот начин да се дојде на власт во Србија е преку избори, „не преку насилство“.

Прочитајте повеќе

Платата на премиерот е 140.450 денари, а на министрите по 115.540 денари

Платата на премиерот е 140.450 денари, а на министрите по 115.540 денари

Владата јавно ги објави платите на претседателот на Владата, како и на министрите. Според објавените податоци, највисока …