Отворена анкета за нови имиња на улици, мостови и плоштади во Скопје

Град Скопје денеска отвори анкета за граѓаните за нови имиња на топоними (улици, булевари, мостови, плоштади, паркови и други инфраструктурни објекти).

Граѓаните може да испратат предлози на два начина – или преку онлајн прашалникот или пак преку класично писмо на следната адреса: Град Скопје, Совет на Град Скопје, бул. Илинден, бр. 82. Анкетата, и преку интернет и преку класично писмо, ќе трае до и тоа до 18 август годинава.

Предложените имиња од граѓаните ќе ги разгледува Комисијата за именување на улици, плоштади, мостови и други инфраструктурни објекти на Советот на Град Скопје, која потоа ќе состави своја листа на имиња и ќе ја достави до Советот. Нема сите предлози од граѓаните да бидат прифатени и вклучени во оваа листа, објаснуваат од Град Скопје.

При нејзиното подготвување ќе се има предвид правичната застапеност на историјата, културата и науката на граѓаните кои припаѓаат на заедниците кои не се мнозинство во Република Северна Македонија.

Извор: МЕТА