Популарната актерка Лидија Вукичевиќ во април гостува во Македонија со хит-комедијата „Чекајќи го министерот“

Театарската претстава „Чекајќи го министерот“ со популарната српска актерка Лидија Вукичевиќ, следниот месец ќе се игра во неколку градови во нашата држава.

Станува збор за хит-комедија која предизвика интерес кај публиката од бившите ју-простори, а која извесен период не се прикажуваше заради пандемијата на коронавирус.

Дејството на претставата се случува во една руинирана кафеана, за чие реновирање, во очекување на доаѓање на министерот, е ангажиран дизајнер.

Покрај Лидија Вуќичевиќ, актерка која нашата публика ја знае од серијата „Бољи живот” и серијалот филмови „Жикина династија“, во претставата игра и нашиот актер Сашо Ристовски, како и Семир Гигиќ, кој воедно е автор на текстот и режисер на претставата.

 

View this post on Instagram

 

A post shared by Lidija Vukićević (@vukiceviclidija)

Според продуцентот на претставата, засега е договорено нејзино прикажување во Штип, Битола, Куманово, Охрид и Пробиштип.