Пишува: Аднан Џафероски
Почитувани…
Во овие моменти имам и морална и човечка одговорност и спрема себе, спрема државата, но и спрема идните генерации, да повикам на сплотеност и максимално одговорно однесување во периодот кој ни претстои.
Секој жив човек има некакви амбиции. Впрочем, човек без амбиции не е човек, туку сенка на векот. Меѓутоа, една работа сега треба да ни биде јасна: единствената амбиција која треба да ја имаме во овој момент е рушење на режимот и ништо друго. Основниот услов за остварување на целите на секој амбициозен човек во нашето општество, е ослободување на Македонија. Само во слободна земја, во земја со ред и поредок, земја каде владее правото, можеме да ги оствариме нашите амбиции.
Ама само со работа…
Оти секоја амбиција која не се темели на работа, е лажење на паметот. Во овие моменти ЕДИНСТВОТО е клучен фактор за сигурен успех. Сега е момент кога сите треба да се насочиме кон единствената цел, финалната пресметка за рушење на режимот во нашата земја. И не е прашањето дали ќе победиме? Сигурно ќе победиме! Прашањето е колку силно ќе бидат поразени узурпаторите на државата? А тоа само од нас зависи.
ЕДИНСТВО! Само така можеме да му покажеме на режимот каде му е местото. Само така можеме да му покажеме на светот дека сме спремни за промени кои ќе го сместат нашето општество меѓу европските и светските цивилизации. Само така можеме да му покажеме и на меѓународниот фактор дека СДСМ го има решението за иднината на Република Македонија.
Дека СДСМ има план за живот во Македонија!