Денеска и утре дожд и пад на температурата, од среда стабилизирање на времето

Под влијание на влажна и нестабилна воздушна маса, денеска времето ќе биде променливо облачно со врнежи од дожд. Попладне на повеќе места ќе биде нестабилно со пороен дожд, грмежи и засилен југозападен ветер. Кон крајот на денот и во текот на ноќта ќе започне да дува засилен северен ветер што ќе услови на планините и на некои повисоки места врнежите да преминат во слаб снег.

Утре времето ќе биде ветровито и студено со значително пониски дневни температури, кои во ноќта наместа ќе се спуштат под нулата. Ќе дува силен северен ветер, наместа со брзина и над 70 км/час. Потоа во следните денови времето ќе биде стабилно со пониски утрински температури, а дневните ќе бидат во постепен пораст.