Во понеделник, 5-ти јули, во фоајето на ЦК „Марко Цепенков“ во Прилеп со почеток во 19 часот, ќе се одржи концерт под наслов „Балканса Синтеза“, на пијанистките Јасмина Трајческа и Ловорка Немеш-Дулар.
Концертот е во чест на одбележувањето на 30 години од независноста на нашата држава и 20 години взаемна концертна активност на двете пијанистки.
На концертот кој се одржува под покровителство на Бладата на Република Северна Македонија, Амбасадата на Република Словенија во нашата земја и Општина Прилеп, ќе се најдат дела на Јанез Матичиќ, Томислав Зографски и Билјана Бојовиќ.