Бочварски на министерска конференција на земјите од Западен Балкан

Министерот за транспорт и врски, Благој Бочварски, денеска ќе престојува во работна посета на Црна Гора, каде ќе се одржи министерска конференција на земјите од Западен Балкан, во организација на Секретаријатот на Транспортната заедница и ЦЕФТА.

Во рамки на Конференцијата ќе се потпише анекс на Одлуката на Европската Комисија  за разбирање на високо ниво помеѓу Европската Унија и Република Северна Македонија, за индикативните карти на Транс-европската транспортна мрежа во Македонија.

Со потпишувањето на овој документ Коридорот 8 станува дел од мапата на главните коридори на Западен Балкан, во рамки на проширувањето на Транс-европските транспортни мрежи на Европската Унија.