Машката ракометна екипа на „Прилеп“ се наоѓа на чекор од одбрана на шампионската титула во кадетска конкуренција, откако денеска во првиот полуфинален натпревар од фајнал форот кој се игра во Струга, ја совладаа екипата на „Еурофарм Работник“ од Битола со 33 : 27.
Во финалето, кое се игра вечерва во салата на Спортскиот центар „Тими“ со почеток во 19.30 часот, кадетите на РК „Прилеп“ ќе се сретнат со победникот од второто полуфинале, во кое играат РК „Вардар“ и домаќинот, екипата на Ракометната школа на Кире Лазаров „КЛ-7“.