Во некои американски држави стапија на сила закони за контрола на огнено оружје

Во некои американски држави стапија на сила закони за контрола на огнено оружје

Со цел да се спречи се поголемиот број на масовни престрелки низ Соединетите Држави, од вчера во неколку американски сојузни држави стапија на сила закони за ограничување на носењето огнено оружје на одредени јавни и приватни места.

Во Калифорнија, законот потпишан од гувернерот Гевин Њусом забранува носење оружје на 26 места, вклучувајќи јавни паркови и игралишта, цркви, банки и зоолошки градини. Законот беше усвоен откако Сојузниот суд ја суспендираше забраната според која таквиот закон го прекршува правото на граѓанинот да чува и носи оружје, во согласност со Вториот амандман на Уставот на САД, пишува Гардијан.

Во Илионис, пак, на сила стапи закон со кој се забранува продажба на неколку видови полуавтоматско јуришно оружје, вклучително и пушки АК-47 и АР-15 и магацини со повеќе од 10 куршуми за пушки и повеќе од 15 куршуми за пиштоли.

Во сојузната држава Вашингтон на сила стапи законот што наложува 10-дневен период на чекање за купување на огнено оружје, а ќе биде неопходно купувачите пред да го купат да покажат потврда дека поминале безбедносна обука за ракување со огнено оружје.

Законот што стапи на сила во Колорадо забранува употреба на т.н „пиштоли духови“, односно огнено оружје без сериски број или такви што се дома изработени.

Во САД во 2023 година имало повеќе од 18 800 смртни случаи од огнено оружје, 36.200 повреди од огнено оружје и над 24 100 самоубиства со оружје. Во текот на изминатата година во земјата имало вкупно 655 масовни престрелки.

Извор: РСЕ

Прочитајте повеќе

Запорожје нуклеарна централа

Украинско МНР: Русија е единствената држава во светот која се обидува да украде нуклеарна централа

Ги повикуваме нашите партнери да го зголемат притисокот врз државата агресор, вклучително санкциониот притисок во …