Шестмина туристи загинаа во невремето кое синоќа ја зафати Грција

Во невремето кое синоќа ја зафати Грција, загинаа шестмина туристи, едно лице се води за исчезнато а стотина се повредени. Најпогодени од невремето се неколку туристички места на полуостровот Халкидики, а меѓу загинатите се туристи од Романија, Чешка и Русија, меѓу кои има и две деца.

Рано изутринава, во поширокиот регион на Халкидики беше прогласена вонредна состојба, а на итна владина седница се врши процена на ситуацијата.

Засега нема информации дали меѓу повредените има наши државјани.