Ќе се подобрува управувањето со отпад во Делчево, Берово и Пехчево

Локалната акциска група (ЛАГ) Малеш – Пијанец, започнува со реализација на проект кој треба да придонесе за подобрување на состојбата со управувањето со отпадот во општините Делчево, Берово и Пехчево.

Како еден од  седумте ЛАГ-ови кои се формирани во државата, ЛАГ Малеш-Пијанец го потпиша првиот договор со Агенцијата за финансиска поддршка и рурален развој за поддршка на дел од приоритетите и за институционално функционирање на самиот ЛАГ. Станува збор за проектот кој треба да го подобри квалитетот на живеење на граѓаните, со акцент на подобро управување со отпадот кој е еден од основните проблеми во регионот.

Со  проектот е предвидено во трите општини Делчево, Берово и Пехчево да се воведе почетна селекција на отпадот со поставување јадра за селекција на отпад од стакло, пластика и хартија, а ќе се набават контејнери и парковски канти за отпад. Исто така, се предвидува и набавка на камери кои ќе с епостават на јавни површини и треба да придонесат за подобра контрола и заштита на јавните површини и урбаната опрема.

Средствата кои ЛАГ-от ги добива од ресорното Министерство се во висина од 880.000 денари,а останатите трошоци се на товар на трите општини.