Веслачкиот клуб „Црн Дрим“ севкупен победник на меѓународната регата во Бугарија

Веслачкиот клуб „Црн Дрим“ севкупен победник на меѓународната регата во Бугарија

Веслачкиот клуб „Црн Дрим“ – Струга изминатиот викенд, на 23 и 24 септември, учествуваше на силната меѓународна регата во Пловдив, Бугарија, каде учество зедоа и екипите на ВК „Палиќ“ од Србија, ВК „Черпоков“ Пловдив, ВК „ЦСКА“ Софија, ВК „Хеброс“ Пловдив, ВК „Бургас“ и домаќинот и организатор на оваа регата, ВК „Тракија“ Пловдив.

Македонскиот претставник ВК „Црн Дрим“ оствари одлични резултати и во севкупниот пласман го освои првото место. Поединечно, веслачите на „Црн Дрим“ ги постигнаа следните резултати:

  • Ана Прентоска го освои првото место во дисциплината скиф пионерки, а во дисциплината скиф кадетки заврши како втора;
  • Климентина Стојмиловска го освои првото место во дисциплината скиф јуниорки;
  • Елена Столеска го освои третото место во дисциплината скиф сениорки;
  • Леон Шутиноски и Андреј Симоновиќ го освоија првото место во дисциплината дубл кадети;
  • Цвете Димоски и Вања Кукунеш го освоија второто место во дисциплината дубл пионери;
  • Кристијан Китаноски го освои второто место во дисциплината скиф јуниори;
  • Александар Хиохи го освои четвртото место во дисциплината скиф пионери.

Струшките веслачи на оваа регата беа предводени од тренерите Игор Скепароски и Никола Мариноски и тим менаџерот Коста Хиохи.

„Со настапот на регатата во Пловдив ги потврдивме одличните резултати кои ги остваривме оваа година и успешно ја завршивме оваа сезона”, изјави претседателот на ВК „Црн Дрим“, Здравко Голабоски

Прочитајте повеќе

ЕУРО 2024: Старт од соништата за домаќинот

ЕУРО 2024: Старт од соништата за домаќинот

Во првиот натпревар на ЕУРО 2024, германската фудбалска репрезентација ја совлада Шкотска со резултат 5:1. …